وكالة أنباء الادب العربى
مرحبا بكم فى وكالة انباء الادب العربى

موسوعة شعراء العاميه المصريه /صلاح يوسف

استعرض الموضوع السابق استعرض الموضوع التالي اذهب الى الأسفل

موسوعة شعراء العاميه المصريه /صلاح يوسف

مُساهمة  وكالة انباء الادب العربى في الإثنين فبراير 08, 2016 5:28 pm




أمانه يا غاليه
وقبل السفر
تهدهد رموشك
عيون البشر
تملي الدموع اللي نازفه وجارفه
وخايف لتبقي
بداية خطر
أمانه تضمي لميلادك
ميلادي
تضمي فؤادي
مدادك ولادي
وبرضه امتدادي
تشدي اللي باقي
ف حلوق الحدادي
حقوقنا دي لسه
في بطن الغجر
امانه ياغاليه
وقبل السفر



--------------------------------


(وبتسألوني)
وبتسألوني
روحها حلوه
هي لما الدنيا تصحي
تشتهي ضحكة عينيها
والزهور لما تشوفها
الجمال بيبان عليها
والقمر إن شاف خدودها
يحكي فيها 1000 غنوه
لما روحي ترتجف
قلبها بيكون لي خلوه
وبتسألوني
روحها حلوه
لما تتكلم
يتوه العقل في حروفها الرقيقه
ورده نديه مفتحه
طاهره بريئه
والطيور من فرحها
ترقص سعاده
والشفايف شهد سايل
حتي سكرها بزياده
والأكاده
لما اسرح في كيانها
ألقي روحي ف حضنها
جوه محراب العباده
وبتسألوني
روحها حلوه



-------------------------------


(روح)
يا روح الروح
لفين ما نروح
بقينا خلاص
في روح واحده
ما ينفعشي نكون نصين
أنا وقلبي
يا روح قلبي
بنشتاق لك
وتسرح روحي في عبيرك
وعطر الدنيا يملاني
ويملا شفايفي من أسمك
وبسكر لما بندهلك
الف الدنيا بكعابي
أشوفك
صبح عنابي
غزال بيدق علي بابي
يطير قلبي
ويفتح لك


---------------------------



(نور الصباح)
بوحي
وافرشي الاحلام براح
واحضني الحب المعطر بالاماني
والاشتياق
طاير علي جناح الامل سواح
ولقيتك انت المبتدي
الورد يحضن في الندي
زعروطه تملا الكون فرح
قامت العصافير تزءزء
ياللي نورك لما شقشق
بدل الحزن اللي راح
افراح
طوفي ف الميادين
ازرعي م الحب ورده
جوه قلب العاشقين
عشقي وعشقك كان صدي
ولقيتك انت قبلتي
والمهتدي
ارويني شهدك
عطشان وكل الحب
عطره جوه نهدك
والربيع يرقص في خدك
يمحي كل سنين جراح
بوحي
واحضني الاحلام براح
نور عيونك يا عيوني
يوهب النور للصباح
(تنهيدات صلاح يوسف)

---------------------------------


(احلام)
بتصحي الدنيا من قبلي
من الاحلام تصحيني
اشوف البدر بيصبح
ويحضن قلبي وحنيني
علي جناح الحنان طيرنا
اخدني معاه علي الجنه
فرش لينا الوجود ب ورود
وعود نعناع وياسمينه
هناك محفوره اسامينا
وحور مبدور يبوس فينا
وكل الكون يتحيينا
تحيه تحيي ف تحيه
وحنيه في حنيه
يادوب هاحضن ف محبوبي
لقيت طرف اللحاف منتور
واكل البرد رجليا
وشديت الغطا تاني
وليه يا زماني يا أناني
بقيت اهرب من الصحيان
ومين يتغطي بيك عريان
في حلمي حبيبي دفيته
اخدته في حضني دفاني
وانا برموشي غطيته
(تنهيدات صلاح يوسف)



_________________
اعداد
محمد عبد القوى حسن

maa66aa66@hotmail.com
avatar
وكالة انباء الادب العربى
المدير العام للمنتدى
المدير العام للمنتدى

عدد المساهمات : 264
تاريخ التسجيل : 30/04/2010
الموقع : www.maa66.malware-site.www

http://www.maa66.malware-site.www

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى