وكالة أنباء الادب العربى
مرحبا بكم فى وكالة انباء الادب العربى

موسوعة شعراء العاميه المصريه / منتصر سلطان محمد

استعرض الموضوع السابق استعرض الموضوع التالي اذهب الى الأسفل

موسوعة شعراء العاميه المصريه / منتصر سلطان محمد

مُساهمة  وكالة انباء الادب العربى في الأربعاء فبراير 10, 2016 4:58 am





العاشق الجنوبى
منتصر سلطان محمد

وطن
و حبة هلوسة


شعر عامى





































الاهداء
***
الى وطن بلون الحزن ..
الى شوارع المدينة
الى دراويش الوطن ..
الشعراء
فلبنكى سويا ..  علينا
منتصر




























الى امى التى تركتنى وحيدا و نامت فى رعاية الله

الفاتحة





















فردة حلق
***
سرير و سجارة و حبة ورق
و دوشة عيال الجيران ..
و مخدة ناخت م العرق
و قصيدة بطعم الحياة ..
ياما سببت لى الأرق
تبغ بقال حارتنا ..
اللى اتحرق
لجل القصايد
ضحكة اخويا ف صدر أمى ..
غيرتى على حبة حنان
من صدر أمى اتسرق ..
و انا بكتب قصيدة للحياة
ياه .. !!!
دا انا كنت باكتب للحياة ..
و أيدى ع القلم
و القلم زى الزناد
و الرصاص اللى كاتب قصايد ..
للبنات
و لصوت الحوارى ..
لكورة شراب
عاشقة الحياة ..
بين رجلين الولاد
و أيدى ع الزناد
رافضة تخالف ضميرها ..
رافضة تغتال الحياة
جوة الحقايق
ياه .. !!
أتارينى كنت بابحث عن حياة
بين البشر
صعبة المساءل كرهتنى ف الجبرتى ..
وجابر و بن سينا
فسروا كل الأسئلة ..
ألا سؤالى ف البشر
قلوبهم مش قلوب القصايد
مش ناعمة زى ضى المغربية
مفيهاش امان ..
زى صوت الشيخ أمين *
بيعلى الأدان
ياه .. !!
صعب الكلام ..
صعبة الحياة ..
ف قصيدة متردش ع الناس السلام
قصيدة بتدارى دموعها ..
لجل تبقى حلوة ف عيون المعجبين
قصيدة ما تحسش بالشقيانين
اللى عاشوا و اللى ماتوا ..
و اللى لسة مدين الأدين
على أرصفة الأمام
و سيدنا الحسين
ملعونة يا غناوى القصايد ..
ملعونة أسامى الحريم
اللى خلت شوقى قايد
و نستنى قلب أمى .. أللى اتحرق
على ضناها اللى سافر ف القصايد و اتسرق
و هو بيكتب للحياة
على ضهر الورق
ياه ..!!
كنت فاكر أنى قادر
ارسم حياة
بلون البنفسج
و ريحة نيل بيسلم ع المدن
و بيستبارك .. من ندر اليتامى
على باب الجوامع
مدود قمح الخواجة ..
ريحته فايحه م الصوامع
زى ريحة عيال الشوارع ..
اللى رافضة الغناوى
رافضة كل اللى بيوعدوهم ..
بالحياة
أسف و اعذرونى ع الغباء
و التوتر و القلق
أسف لو كنت حطلع م الخلق ..
دا أنا أمى ماتت و كانت ..
بتتمنى فردة حلق
حلم أمى مستواش ..
و لا عمرى نسيت سؤالها كل ليلة
يا واد .. جبت الحلق
و اضحك و اقول ..
هى أمتى يدى طالت ..؟
نخل البلح
هو أمتى ياما .. ؟
شاعر فلح
و جاب الضى و يا الادان
و فرح قلب أمه  ..
بفردة حلق
عشانه خرمنا الودان
           الشيخ أمين :رحمه الله مؤذن مسجدالحسين بالسيل  وهو معلمى فى الكتاب                                                                                                                      الاقصر                          
تلقيمة شاى

***

اخر تلقيمة شاى ..
مخزنها للحزن الجاى
حشربها .. بمزاج مقلوب
من غير سكر
ف كوباية قزاز ..
اسقيى فيها احزانى ..
اشربها و اطنش  
و ياكش تولع ..
الدنيا بجاز
أن جاز ..
تعدلى مزاجى المتعكر
تفتح قلبى المتسكر ..
الخايف م الزمن الهزاز
أن جاز ..  
اخر تلقيمة شاى ..
ح شربها جنب  العقاد
ف صحة قمبيز
و سابور الكاهن .. *
ربط النيل..
بمصانع كيما .. *
طلع لى لسانه ..
بوظ لى التلقيمة

سابور الكاهن : هو الكاهن فى مسرحية العقاد قمبيز فى الميزان
مصانع كيما : مصانع السماد باسوان و تلقى النفايات فى النيل  
اسوان










غـــــنوة عشــــــان الــــــنيل

***
واخد من ابويا ..
اللون والطعم
وواخد من امى العصبية
و طيبة القلب و الريحة
و لون الشعر و التسريحة
و افكار ملعونة ..
مجنونة ..
صريحة ..
لا بخاف سلطان ..
ولا صاحب جاه
ولا بعبد قرش ..
ولا ماسك ف الدنيا ..
بضوافر
لكنى باعافر
باحلم و بسافر
باكتب على الورقة و اموت
بعشق ريحة الموت
ف سبيل الحق ..
هادى الطبع ..
باعرف امتى .. ؟
بيعلى الصوت
عمرى ما اطاطى ..
و لا اساند خاطى
و لا اخد ظلم ف باطى
و هو ازاى الحق يطاطى ؟
انا كدا .. !
انا كدا .. !
حتى الولد الحيلة ..
واخد ريحة امى ..
و طبع العيلة
بس انا خايف لا عيونه الخضر ..
تسود ف يوم م الشيلة ..
اصل الورث تقيل
و الواد ضعفان ووحيد
شبهى ..
مشاكس قوى و عنيد
و دماغه حديد
بس قليبه حنيين
هو ( محمد ميدو حمادة )
ابنى البكرى
زيى بالتحديد
نفس النص و نفس كلامى
صورة طبق الاصل ..
زى احلامى
نفس الجسم و نفس الطول
نفس الحدة و نفس القول
عاشق وطنه
عاشق نيله
راضى بحكم الله ..
و عمره ما طاطى
و هو ازاى الحق يطاطى
هو انا خلفته عشان يطاطى
انا خلفته لجل ما يصبح درع ..
يحمى طفل و يحمى عجوز
انا خلفته لجل ما يصبح زرع ..
تلقاه بلادى يوم ما تعوز
درع و سيف ..
وغنوة عشان النيل ..
و وردة لكل شهيد
قلب امه .. عليه بيقيد
انا خلفته عشان يستشهد ..
فدا شبر .. ف ارض بلادى
و الشبر ف ارض بلادى
يستاهل الف شهيد

اسوان









حــــــنان القلــــــــــــــــــــم

***

بمشط جزن الشوارع ..
بحنان القلم
يجرحنى الصمت اللى نايم ..
فى عيون الألم
تسرح عيونى ف الوشوش
أبتسم ..
و ارجع لصفا وانتباه
ونشيد بلادى
و هيبة حتة قماش ..
بنسميها العلم
ابتسم
وارجع لحزن الشوارع
أترسم ..
جنب القلم
خيال مأته
وحجات كتير
معبد وجامع
كنيسة وهرم
و عجوزة بتسمى
( بسم الله .. الله اكبر )
كبر الولد
اصبح شهيد
ملفوف ف العلم

***

ف الصبح يتغير لون الحارات
يصبح كلام ..
اللى كان بالليل سكات
واحمر شفايف ..
فوق خدود البنات
يعترف ..
راح اللى راح
و نسينا اللى مات
و نسينا العلم
ونسينا نشيد بلادى
وصفا و انتباه
وانا لسانى ملفوف بصمتك
مستنى اتولد ..
و تدينى عزة .. جنب الحياة



--------------------------

الاسم / منتصر سلطان محمد ضيف الله
شاعر عامى / فصحى
تاريخ الميلاد / 14 ديسمبر 1968
العنوان / اسوان السيل الريفى شارع السماد رقم 55
رقم الهاتف / - 01277173171 - 01119205472
المؤهل الدراسى / دبلوم المدارس الفنية التجارية عام 1989
دراسات حرة اعلام القاهرة " التعليم المفتوح " كلية الاعلام – جامعة القاهرة .. اللغات التى اجيدها ... الانجليزية بطلاقة .. الايطالية بطلاقة .. الروسية متوسط .. الالمانية متوسط
monty_sol@yahoo.com البريد الالكترونى /
المهنة / مساعد مدير اغذية و مشروبات
الاعمال / لى ديوانين عامى
1 – ديوان ضد السلطة " صادر عن دار الحكمة للنشر و التوزيع القاهرة 2012
2 – ديوان شمس العبيد " صادر عم دار الحكمة للنشر و التوزيع القاهرة 2012
3 – ديوان فصحى تحت الطبع " اعلان دولة راوية العشق "
4 – ديوان عامى تحت الطبع " ممكن وطن "
5 – يتم الان تسجيل قصائدى بصوتى و صوت بعض الاطفال الموهبين على اقراص مدمجة فى استديوهات القاهرة
اعمالى فى الصحف / نشرت اعمالى فى صحف " اخبار الادب
الاهرام المسائى – مجلة نصف الدنيا – جريدة اسوان – جريدة النبأ الوطنى – جريدة شمس النهار القاهرية – مجلة القاهرة الصادرة عن وزارة الثقافة المصرية – جريدة النور العراقية – مجلة نورا البنانية
دورية اقلام اسوانية . قصر ثقافة اسوان – جريدة البحر الاحمر –
مواقع اليكترونية / معظم المواقع الالكترونية العربية و المصرية



***
الاسم / منتصر سلطان محمد ضيف الله
شاعر عامى / فصحى
تاريخ الميلاد / 14 ديسمبر 1968
العنوان / اسوان السيل الريفى شارع السماد رقم 55
رقم الهاتف / - 01277173171 - 01119205472
المؤهل الدراسى / دبلوم المدارس الفنية التجارية عام 1989
دراسات حرة اعلام القاهرة " التعليم المفتوح " كلية الاعلام – جامعة القاهرة .. اللغات التى اجيدها ... الانجليزية بطلاقة .. الايطالية بطلاقة .. الروسية متوسط .. الالمانية متوسط
monty_sol@yahoo.com البريد الالكترونى /
المهنة / مساعد مدير اغذية و مشروبات
الاعمال / لى ديوانين عامى
1 – ديوان ضد السلطة " صادر عن دار الحكمة للنشر و التوزيع القاهرة 2012
2 – ديوان شمس العبيد " صادر عم دار الحكمة للنشر و التوزيع القاهرة 2012
3 – ديوان فصحى تحت الطبع " اعلان دولة راوية العشق "
4 – ديوان عامى تحت الطبع " ممكن وطن "
5 – يتم الان تسجيل قصائدى بصوتى و صوت بعض الاطفال الموهبين على اقراص مدمجة فى استديوهات القاهرة
اعمالى فى الصحف / نشرت اعمالى فى صحف " اخبار الادب
الاهرام المسائى – مجلة نصف الدنيا – جريدة اسوان – جريدة النبأ الوطنى – جريدة شمس النهار القاهرية – مجلة القاهرة الصادرة عن وزارة الثقافة المصرية – جريدة النور العراقية – مجلة نورا البنانية
دورية اقلام اسوانية . قصر ثقافة اسوان – جريدة البحر الاحمر –
مواقع اليكترونية / معظم المواقع الالكترونية العربية و المصرية

_________________
اعداد
محمد عبد القوى حسن

maa66aa66@hotmail.com
avatar
وكالة انباء الادب العربى
المدير العام للمنتدى
المدير العام للمنتدى

عدد المساهمات : 264
تاريخ التسجيل : 30/04/2010
الموقع : www.maa66.malware-site.www

http://www.maa66.malware-site.www

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى