وكالة أنباء الادب العربى
مرحبا بكم فى وكالة انباء الادب العربى

موسوعة شعراء العاميه المصريه / احمد ابو حج

استعرض الموضوع السابق استعرض الموضوع التالي اذهب الى الأسفل

موسوعة شعراء العاميه المصريه / احمد ابو حج

مُساهمة  وكالة انباء الادب العربى في السبت فبراير 13, 2016 1:29 pm













وطن
-------------
بحبك صوره مرسومه
ولقمة صغيره مقسومه
فى طلعة فجر فى ليل
ساكن
قصايد قول بتتغنا
بحبك غُنوه ! على مغنا !
بحبك صحبه مع
لولاد
فى لمه وشله على شطك
بحبك فىّ و ضليله !
وقعده صغيره فى العيله
بحبك موت
نسايم ترسم الضحكه
وتتفتح سواقى الريح
بحبك شوق وحلم
صريح
بحبك ضىّ ! وشمس وفىّ !
بحبك فى الزمان
الجى
ونسمه تعدى من عندى .
تسلملى ع
كل الحى .
بحبك فى جبال الطور
و كاترينا
بحبك بنها مع سينا ..
بحبك طفل !!
بيشرب من لبن سرسوب
فى أحضانك .
وتاه جوا فى عنوانك
بحبك نيل بيجرى فى
شريانى
يفصل كل تكونى
بحبك غنوه فى السامر
بحبك لما نتسامر ,,
فى صورة ورده فى
جنينه
بحبك والديوك تدن .
بصوت عالى
فى دندنتى فى تلحينى
فى تكبيره فى كل آدان
فى صوت قرآن
بحبك والإله يشهد
فى صوره تغير المشهد
بحبك عيسى ومحمد ..
بحبك نغم
وكلمه جوا أشعارى
بحبك آه
وآهى طالعه من جوه
بحبك ميم !
بحبك صاد !
بحبك را !
بحبك آه ماتكفينى
بتجرى فى شراينى
تفصل كل تكوينى
بحبك كلمه فى القرآن
جرس بيرن فى كنيسه
فى كل آدان .
وقميص يوسف
وعصاة موسى
بحبك شوق ونفوسه ..
بحبك موت
يامحروسة ..
بحبك نقطه فى البرواز
وسهرايا خشب وقزاز
فى نسمة صيف !
بحبك كيف يكيفنى
من أحلامى بيخطفنى
بحبك بحر وجزيره
بحب شوق يا أميره
بحبك ما انتى لكبيره .
فى غزت كوع
على سهره فى ضلمه ونور
بحبك والمزاج رايق
فى صوت عصفور .
بحبك والبلح أحمر
فى نخلك والزيتون
طارح
بلون اخضر
بحبك من حروف اسمك
عيون تنزف على حالك
ربيع الثوره موالك
ياروح الروح .
------
شعر / أحمد أبوحج


------------------------------






خلاص الدنيا ضحكتلى
-----------------------------
حروف الشعر تكتبنى

على إيدك

ومش غيا اقول أشعار

ولا فيا تقيد النار

تلاقينى يادوب شمعه فى ليل تايه

تنور من حواليكى

توريكى طريق العشق
تحددنى مسافاتك

تحطينى على الأركان

ونبقا طوفان

أنا وانتى ملوش مواعيد

هتتفجر حكاياتو

ونبقا أكيد

خلاص دًبنا فى بحر الشوق

ولا الصدفه ولا المواعيد هتربطنا

ولا الأسلاك ولا الأسوار تحاوطنا

ولا همسه ولا لمسه

تشخبط فى حديث الصمت

ولا الأسرار فى ساعة جد نكتمها

ونتعلم ندوب أذاى فى كاس الآه

ونتلاقا أنا وانت ع جمر الخوف

ماهنخفشى

ولانمشى لوحدينا فى ليل تايه

ونرسم ف الزمن قصه

تحددها حروف أسمك

ونكتب ع الشجر حرفين

من حروفنا

ونشطب لحظه عشناها

فيهاش ضحكه

ونتلاقا أنا وانتى

فى عالم تانى

مش مجهول

ومش هطول
حكايتنا مع الأوهام

ولا ها طول مع الأيام

أنا حاسس بأن الدنيا

ضحكالى

أنا وأنتى
يانبع الحب
------
شعر / أحمد ابوحج


------------------------------------





وهذه بقصيدة من قصائد ديوانى مكتوبة فى ننى العين الصادر عن الهيئة العامة للكتاب
الشهيد
============
علموك ازاى يكلموك
علموك حب البشر
علموك مسك الحجر
علموك أزاي تكون
بركان غضب
لقنوك درس الحياه
بالأجوبه هادا السبب
هتكون كده رمز التاريخ
ثورة غضب
تمسك سلاحك تشرعه
وسط الميدان
ما أنت البطل مهما حصل
ميخاف نيران
أصل القضية من زمان قضيتك
والحق بان ومن يهمه يسكتك
إنت اللى عارف سكتك
إنت اللى شايل جوا قلبه
هموم كتير
إنت اللى تزرع حب
يسقيه الضمير
أنت اللي تزرع
واللي يحصد يجني خير
واللي بعدك يستلم
منك رساله
لو ضربنا فى المثل
رمز الجهاله
وانكوينا بنار حريقها
وأنتهينا بالهوان
مهما كان عارفين طريقها
مهما كان أنت الضمير
أنت تزرع واللي بعدك
يجنى خير
مهما كان انت البطل
انت الضمير اللي يصحي أمته
أنت اللي يقدر فى الضلام
يعلى صوته
وتعلا نبرة كلمته
أنت البشر انت الخطر
انت اللي ما يهاب القدر
انت اللي قالو عنهم
دمك مبيرحشى هدر
انت التاريخ اللي انكتب
انت الشموخ انت الأدب
انت التحية والفدا
رمز العرب ثورة غضب
بركان سلام ماسك زمام
خط المهادنة والمراهنه
والتاريخ
انت اللي طول عمرك
ما يهدالك ضمير انت الضمير
انت اللي ميت واللي حي
واللي مكتوب ع الجبين
واللي رايح واللي جي
واللي يفني عمره
قبل ما يفوت الآوان
واللي صلى قبل ما يسمع آدان
مهما يكون ومهما كان
انت اللى كلمه
ما تنتهيش طول عُمرها
بحلوها ومرها
انت اللى أسمك
سجلوه جوه القلوب
أنت اللى دايما فى الحشا
حرفين يادوب
إنت الشهيد اللي ما مات ...

-----------------------------------





سم الشهرة
أحمد أبو حج
* الإسم كامل / أحمد محمود سليمان أبوحج .
* كاتب وشاعر وباحث فى التراث ...
*العمل / مسئول ثقافي وإعلامي ورئيس صالون الآدب بمديرية الشباب والرياضة .
* مدير مكتب جريدة الجمهورية العربية لشمال سيناء - آدبية - إخبارية – ثقافية - .
*حاصل على المعهد الفنى التجارى بالقاهرة قسم إدارة الأعمال بعد الثانوية العامة القسم الآدبى .
ثم دارسات تكميلية بكلية الإعلام جامعة القاهرة - التعليم المفتوح لعام 2006م .
* حاصل على دبلومة فى التنمية البشرية وحقوق الإنسان بعنوان أسرار الشخصية الناجحه .
*من المكرمين على مستوى الوطن العربى فى شعر العامية بجريدة الجمهورية العربية عام 2016 م .
* مدير مكتب جريدة الجمهورية العربية بشمال سيناء ( ثقافية – آدبية – أخبارية ) .
* مدير مكتب جريدة كل العرب فى محافظات أقليم القناة وسيناء .
*رئيس نادى الأدب بالعريش سابقاً , عام 2011/ 2012م َ ...
* المستشار الإعلامى لنقابة الفلاحيين بشمال سيناء منذ عام 2011م .
* المسئول الإعلامي لمجلة أمتداد الأدبية التي تصدر عن نادي الأدب بشمال سيناء .
* عمل بالصحافة ( لجريدة الرأي المصرية - جريدة العروبة - جريدة صوت المحافظا ت – الأجيال المصرية - جريدة البادية – عيون القناة - جريدة الجمهورية اليوم / جريدة مصر الحياة / جريدة رئيس التحرير ) .
* مدير تحرير جريدة سيناء الدولية سابقاَ .
* عضو رابطة الأدباء العرب .
* عضو نقابة الصحفين المصريين المستقلة من عام 2013م .
*حاصل على مركز أول جمهورية عام 2003 فى شعر العامية مسابقة وزارة الشباب والرياضة .
* ومركز ثاني جمهورية عام 2005 فى شعر العامية فى مسابقة جريدة العروبة المصرية .
* معظم الأعمال الأدبية والأشعار منشورة بالصحف والمجلات المصرية والعربية .
*حاصل على دورة في الأعمال الإذاعية وإعداد البرامج بماسبيرو عام 1984بالقاهرة .
* دورة في العمل الصحفي والإعلامى بالنادي الثقافي بشمال سيناء .
* مشاركات في إعداد الكثير من البرنامج بإذاعة شمال سيناء وكتابة الفوازير للإذاعة .
* شهادات علمية فى النقد والبلاغة والأدب واللغة العربية من مؤسسة عبد العزيز سعود البابطين بدولة الكويت بالتعاون مع كلية التربية بالعريش .
* صدر ديوان وجه آخر للقمر شعر عامية عن الهيئة العامة لقصورالثقافة إقليم القناة وسيناء الثقافى عام 2001م .
* ديوان شعر مكتوبة فى ننى العين الهيئة العامة للكتاب بالقاهرة سلسلة إشراقات .
* ديوان فارس بنى عقبة شعر عامية الهيئة العامة لقصور الثقافة 2011م .
*كتاب قبائل بنى عقبة فى الوطن العربى الفواخرية فى سيناء عن مؤسسة دار الأجيال المصرية عام 2010م فى العلوم الإجتماعية الجزء الأول .
تحت الطبع
* ديوان غنوة وطن شعر بالعامية المصرية .
*كتاب عائلات مدينة العريش الحضر بحث ميدانى ( عبقرية المكان والسكان ) .
* كتاب للثورة المصرية .
الشهادات
* العديد من شهادات التقدير والتفوق في مجال الأدب والثقافة .
* التمثيل في العديد من المؤتمرات الأدبية والثقافية على المستوى القومي والمحلى والاقليمى .
البريد الكتروني
abo_hag2006@yahoo.com
01014334469
01228044980

-----------------------------------------------


_________________
اعداد
محمد عبد القوى حسن

maa66aa66@hotmail.com
avatar
وكالة انباء الادب العربى
المدير العام للمنتدى
المدير العام للمنتدى

عدد المساهمات : 264
تاريخ التسجيل : 30/04/2010
الموقع : www.maa66.malware-site.www

http://www.maa66.malware-site.www

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى