وكالة أنباء الادب العربى
مرحبا بكم فى وكالة انباء الادب العربى

موسوعة شعراء العاميه المصريه /مدثر الخياط

استعرض الموضوع السابق استعرض الموضوع التالي اذهب الى الأسفل

موسوعة شعراء العاميه المصريه /مدثر الخياط

مُساهمة  وكالة انباء الادب العربى في الأحد فبراير 14, 2016 7:42 am




القصيده الثالثه
يامه
لما دخلت
عليكى بالطرحه
كانت الفرحه
ماليه عنيكى
بوستينى يامه
وبوست اديكى
كنت صغير
كانت أول مره
اهديكى
يومها سألت
جبت منين الطرحه
ياواد؟
قلت انا يامه
من تحويشتى
ومن مصروفى
يومها ضحكتى
ضحكه جميله
لسه شايفها
قدام عينى
وبحنيه قرصتى لى
ودنى
فين مصروفك
بس ياولدى
انت بتاخد غير
تعريفه
كنت واعيه
وكنت حريصه
كنت تخافى من ربك
موت
والغلطه مش سهل
تفوت
كنت تصلى الفرض
تمللى
وبتدعينا
وتدعى لأبويا
اديله رزقه
اديله حيله
الفين رحمه
عليكى باامى
لسه كلامك
جوه فى ودنى
أنا هديتى صح
باولدى
لما تجينى فى يوم
وتقولى
ياما نجحت

----------------------------------



القصيده الثانيه
الديك
الديك فارد عضلاته
على الكتاكيت
والكتاكيت
ياعبنى غلابه
ومريضه بمرض
التفتيت
والديك ده حويط
عايش ع الفتنه
وع التسليط
اتحكم فى الديك
الأحمر
واتحكم فى الديك
الأبيض
واتحكم فى الديك
الأسود
واتربع وحديه
ع البيت
والديك عفريت
تتطلب بديك
لكن عينه
تبقى عليك
لازم بتحكم فيك
وتقوله شوبيك
لوبيك
امتى.الكتاكيت
تكبر وتببض
ويجيب الببض
اكتر من ديك
يخلوا الديك المتغطرس
فتافيت
فتافبت
فتافبت


--------------------------------------



ناصر
رفعنا صورتك
فى.الميدان
ياأبو الكرامه
والعداله والنضال
ماانت الزعيم
وانت البطل
اللى تحيديت الخطر
ضد الطغاه والفاسدين
كانت البلد
فى ايد الملك
وحاشيته والمرتشين
والشعب كان
فى خدمته وتحت
امر أسرته
شعب كان عابش
ذليل
ماكانش طايل
لقمته
جيت ياجمال
رديت كرامته
ورفعت راسه
وهمته
وكنت له خادم
أمين
عشت حياتك
يابطل
لأجل الوطن
لأجل العمار
مكن المصانع
دار
والزرع خضر
بايدين الفلاحين
الارض بقبت ملكهم
جمعوا الثمار
رفغنا صورتك
يابطل
ياللى أممت القنال
ياللى بنيت السد
فى اسوان
ياللى جعلت العلم
بالمجان
انت اللى ساكن
فى قلوب المخلصين
والغلابه المطحونين
عشت حياتك
يابطل
طهر وابمان
جمعت حب الناس
اليك
ماجمعت مال
مابعت أرض
أو مصانع
أو غيطان
رفعنا صورتك
ياجمال
فى الميدان
زى العلم






-------------------------------------------




لاسم . مدثر عبد  المحسن جادالله..الشهره مدثر الخياط
محامى بالنقض والدستوريه العليا
عضو اتحاد كتاب مصر
محاضر مركزى
رئيس نادى أدب القوصيه .
مؤلفات.
ديوان(ليلة الزفاف)
ديوان(فى الميدان)
مسرحية(المواجهه)
شارك فى العديد من المؤتمرات والمهرجانات الأدبيه..حاصل على العديد من الشهادات التقديريه
القصيده الأولى

_________________
اعداد
محمد عبد القوى حسن

maa66aa66@hotmail.com
avatar
وكالة انباء الادب العربى
المدير العام للمنتدى
المدير العام للمنتدى

عدد المساهمات : 264
تاريخ التسجيل : 30/04/2010
الموقع : www.maa66.malware-site.www

http://www.maa66.malware-site.www

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى