وكالة أنباء الادب العربى
مرحبا بكم فى وكالة انباء الادب العربى

موسوعة شعراء العاميه المصريه / حمدى مهدى عماره

استعرض الموضوع السابق استعرض الموضوع التالي اذهب الى الأسفل

موسوعة شعراء العاميه المصريه / حمدى مهدى عماره

مُساهمة  وكالة انباء الادب العربى في الخميس يناير 28, 2016 4:09 pm

[url=]
الشاعر حمدى عماره مهدى[/url]
قطر أربعة وتلت
                                                                         شعر / حمدى مهدى عماره



آخر سنين التمننات
لما وسقت " ف " شنطتك
كل اللى كنت بتملكه
لو حتى يعنى "غُلْض عين"
وركبت قطر العصر
تحلف بالنبى
ان انته فاتح
سكة اللى يروح ما يرجع
غير كدا 000
وربَّك بيجبُر للى فات 000
امك قدامها يومها حفيت مشورة
وتسلِّمه 00 فضلت لبانة  "ف"  بقّها
من بيت لبيت
علشان  " م " تجمع للبضات
عاده " ف"  بلدنا
أوَّل  "م"  تنوى 000
أمك تصُرِّلَّك رغيف
مع دُقَّة* وشوية بضات
ياخد عدوك 000
نقت أمى اكبر رغيف
وغلتلى أربعة  "م" البضات
متقلشى يعنى انته المفتح وسط عيله 00
قللى تشرب  ؟
قلت هات ...
صبِّللى من سطلو* العِفِش
وكإنْ لحظة " م"  احنا   رحنا
نكُبّ منقوع الصُّرَم
جوه الحلوق اتفتّحتْ
أوسع طريق توصل  ما بين
الغلب وبتوع القرف
أبو قُفَّة *
وابو كرتونة
وابو شمَّاعة فات
جلاَّب*
إبر بوابير
كتب
نعناع مسكّر
ولّعات
والقطر مغرم كل متر
يولّى على قولِةْ : سكات
لجل امّا يغرف بياعين
متقلش دى الليلة الكبيرة
وانته واقف منظرة و  "ف"  وسط مولد
سيدى يلا دُوْر وهات 000
القصد قول الزحمة بقيت معبكة
ابو مِخلة
وابو قفاصين يكاكو
كلّو عفَّّص والتقيت
وكأن وِشّ العبد لله اتفرط
عتبة جامعنا  "ف"  ضُهْر جمعة
بتشرى واصل بالجزم من كل لون
والقطر كُلُّو صار عنين
وانته المفتح جوه منك للوره
0000 مين كان يقول ان انته وبخاطرك
فايتها طرحة امك 000
صُبِّلى من تانى ولا ترقُب زمن
ووصلت مصر  "ف"  نُص يوم
يا هل ترى مين اللى صد القاهرة
ومجتش علشان تلتقيك
- من بدرى – على باب الحديد  ؟
00 الناس أكيد بتمدّ لجل تخط لك
دربك على وش المدى
00 من امتى كان ولقعدتك
تربيعة العمر الشقى
على كوم تراب المصطبة
أيتُّها قدرة   وحل لى 000
إنّك تفسر ما ترى
اتوبيس  0000 ؟
لطمت  "ف"  عِبِّى يعنى  نقصت هم
عشان كدا 000
لازم يا عادل نشالين ؟
وبقيت كدا
باكوِّر  "ف"  نفسى  "ع"  الفضا
طول الطريق
كل امَّا صوتو يقول ورق 000 ؟
أفضل أحسّس "ع" الجيوب
من جيب لجيب
رغم ان كل اللى انته كنت موزعه
فكّه على كل الجيوب
ما يكفِّى عشوة قطتين
أو كلب لولو ابو سلسلة
ولمحت وش القاهرة
أوّل "م" قلت يا ست ....
 قعدت مطرحى
لملمت على عِبّ الخجل
بعد اما فقعت دحكتين
كل اللى كنت "ح" ابعتره
بعديها نشّفت العرق
ونزلت 000
كوبرى مسطرد*
بحلق عيونو "ف "  شنطتى
وشنطة قريبى بتنطرح على كتفو
تسبق خطوتى
شارع الشبورى*
وقعدة البت اللى راح تشوى الدُّره
على نار ضلوعك
فرَّقوا قلبك على كل الحتت
من حارة سَدّ لاختها
سقَّالة ايه ديّه اللى كات رح ترفعك
وانته اللى شايل
و"ف"  عنيك الحلم طالل "م"  الورق
مكتوب تعيش المعضلة
وما تكمل الاَّ وانته راجع
جُوَّا  فى القطر الجِّهِم
ويضيع بخور السيِّدة*
مع كل  "م " انته بتملكه فى الشنطة
لكن " غُلْض عين"
تدخل على امك متلقيش
فى الصُّرَّة كسرة من الرغيف
أو قشرة من لربع بضات
غير هُمَّه بس
شويّة الدُّقة* اللى جَرُّو ا
جوّه حلقك ملْحُهم  0

-----------------------------------------------------------


                      أم العيال

                                                 شعر / حمدى مهدى عماره
                                                                        ( عضو اتحاد كتاب مصر )

الطبخة شاطت والحطب
راسى وراسك
منظرةْ
إن احنا نقعد نفتكر
كان ليه ومين ؟
وازاى وفين؟
والمسألة واللى جرى
والقسمة تنفع ولا لا
ودموع  عنين متحجرة
طرحك 000 ؟
ولا القلب اللى راح
يعصر دموعك فى الورا
هوَّا اللى فرق البين بنين
كل البلد  ع  القنطرة *
بيبصِّموا الشمس المعاوده ع  الشفق
00 راجعة
؛؛وما الليل البهيم
إلَّا كما انفرط الزهق ؛؛
فردت حصيرة حلفها
جُوَّا  السقيفة على الحصا
ح  تمد حجرك ولَّا مين
ياخد نصيبك  م  اللى صار
اقّف بقى  "ف"   اخر الطابور
وافرد حصانك  ع  القلق
كل السكك متفتحة
درقن على الوجع البراح
سطرين وجيعتك خطوتك
والرَّكّ ع  الرجعه لوره
والقطر لما تدهسك
نظرة عنينو البحلقة
وانته ال   مولِّى ع  الرصيف
أوسع عنين فى المعضلة
والبَصَّة مسحت هَمّ كام ؟
كسرة  مراية مزلوقة
فى سقيفة البيت ابتدت
تكسر عنين المحرومين
يا ام العيال
يا مبهتنه
بتبصِّى بس فى وش مين ؟!
طراطير عيالك بهدلة
والعيد ولا الوهن الوبيل
حرمانا بس من البكا
والفاتحة
على قبر السنين 0


------------------------------------------
                             - نُشِرت بمجلة الشعر




-----------------------------------------------------------------

_________________
اعداد
محمد عبد القوى حسن

maa66aa66@hotmail.com
avatar
وكالة انباء الادب العربى
المدير العام للمنتدى
المدير العام للمنتدى

عدد المساهمات : 264
تاريخ التسجيل : 30/04/2010
الموقع : www.maa66.malware-site.www

http://www.maa66.malware-site.www

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى