وكالة أنباء الادب العربى
مرحبا بكم فى وكالة انباء الادب العربى

موسوعة شعراء العاميه المصريه / بكرى عبد الحميد

استعرض الموضوع السابق استعرض الموضوع التالي اذهب الى الأسفل

موسوعة شعراء العاميه المصريه / بكرى عبد الحميد

مُساهمة  وكالة انباء الادب العربى في الجمعة يناير 29, 2016 4:57 pm


[url=]
بكرى عبد الحميد[/url]

شـَـد الحنين


انحنى
قبل ما يفوت الطوفان
وابتدى رحلة غيابك
قبل ما يشد الحنين
مليون عدو ..
واقفين على بابك
لساك بتحلم بالحبيبة ..
اللى فاتت ضحكتك
من ميت سنة ..
مليون عدو ..
متربصين لعينيك
انفض غبار ضحكتك
واتسلى بالحواديت
انت اللى فى الحوانيت
متباع بلا أتمان
ميت بلا أكفان
بتحب لعب السيجة فى التوابيت
وتموت ..
فى الفرجة ع الأفلام
نفض جيوبك
طلع لنا الأوهام
والحق بسرعة
انحنى ..
قبل ما يفوت الطوفان

بكرى عبد الحميد
الأقصر

قبـل الممات


وشه اللى راسم خرايط الحكايات
وعينيه شوارع مبهجه
وبيوت عليها زينة المولد
وأفراح البنات
خجل العرايس
لما بيهل العريس
ونور بيرجف ..
فى عتمة الفوانيس
فى عينيه ليالى الجن والعفاريت
وعيال فى حضن الأمهات
يغمضوا عينيهم
ويمسكوا قلوبهم لتهرب م الفزع
وحكاية الشاطر حسن
وحكاوى كل العاشقين
الهربانين لحظة غروب
وشه طريق للوحدة بين كل الدروب
وفرحه تتوزع على عيال الجيران
قلبه اللى مليان بالحنان
بيخبى عنا دمعته
وبطرف كمه ..
يدارى وشه
اللى مغسول بالألم ..
والذكريات
ويبتسم من غير ندم
وشه اللى بيسافر بلاده الميته
قبل الممات
بكرى عبد الحميد
الأقصر
سكّـة مقطوعة

لملم وشوشك
من دروب روحى
وافتح لى سكة
سفر تبدأ بننى عينيك
لما يهل القمر ..
بتونسه لياليك
دارى برموشك
دمعتين طلوا
المؤمنين ..
فوق هدمتك صلوا
وقلوبنا لم ضلوا
لما اهتدوا لحواريك
لملمنى من فوق الرصيف
من سكة مقطوعة
شجرى اللى زان الخريف
عيدانه مقطوعة
غطينى من برد الشتا
وانجدنى من روحى
كل اللى باعك رخيص
بيغنى لجروحى
لملم وشوشك وقوم
واغسل عيونك فى يوم
شمسه ماطالعاشى
وانشر غسيلك فى ريح
رايحه ماجاياشى
لو كنت ماشى ..
لملم وشوشك ..
من دروب روحى
بكرى عبد الحميد
الأقصر



000000000000000000000000000000000000000000000000000000

سيرة ذاتية

الاسم : بكرى عبد الحميد يوسف
تاريخ الميلاد : 21/7/1973
جهة الميلاد : الأقصر
مجال الإبداع : الشعر ـ المسرح
عضو إتحاد كتاب مصر
رقم العضوية : 2273
المؤلفات :
1 ـ الموت حليف الأوليا ( شعر) الهيئة العامة لقصور الثقافة 2003
2 ـ دم السواقى ( مسرح ) الهيئة المصرية العامة للكتاب 2005
3 ـ إخناتون فرعون التوحيد ( رواية ) روايات الهلال للأولاد والبنات ـ دار الهلال 2007
4 ـ رقصات المرافئ الأخرى ( مسرحيتان) الهيئة العامة لقصور الثقافة 2007
5 ـ نصب تذكارى ( مسرحية ) الهيئة العامة لقصور الثقافة 2009
6 ـ الغفيـــر ( مسرحية ) الهيئة العامة لقصور الثقافة 2011
7 ـ الهلالي ( مسرحية ) الهيئة العامة لقصور الثقافة 2014
8 ـ حواري الطيبين ( شعر ) دار النسيم
9 ـ بوابات الرحيل ( رواية ) روايات الهلال ـ دار الهلال
الأعمال المنشورة :
1ـ فى الصحف : أخبار الأدب ـ الجمهورية ـ المساء ـ الموجز
2 ـ فى المجلات : الشعر ـ الثقافة الجديدة ـ سطور ـ أدب ونقد
زهرة الخليج ـ الحوار ـ رؤى
الجوائز :
1 ـ جائزة إقليم وسط وجنوب الصعيد الثقافى 1999
2 ـ جائزة محمد تيمور للإبداع المسرحى 2002
3 ـ مسابقة الشباب والعمال ( هيئة قصور الثقافة ) 2003
4 ـ مسابقة الدكتور / أحمد شمس الدين الحجاجى 2006
5 ـ جائزة المركز القومي للمسرح 1012
6 ـ تكريم دائرة الثقافة والإعلام بالشارقة عن مسرحية( قول يا مغنواتي ) 2011
7 ـ تكريم مؤتمر إقليم جنوب الصعيد الأدبي ـ الأقصر 2014




* قدمت نصوصه المسرحية على مسارح وزارة الثقافة في كل أنحاء الجمهورية
ومسارح الجامعات المصرية والفرق المستقلة
* نوقشت نصوصه المسرحية في أكثر من رسالة للماجستير والدكتوراه
بالجامعات المصرية وأكاديمية الفنون

_________________
اعداد
محمد عبد القوى حسن

maa66aa66@hotmail.com
avatar
وكالة انباء الادب العربى
المدير العام للمنتدى
المدير العام للمنتدى

عدد المساهمات : 264
تاريخ التسجيل : 30/04/2010
الموقع : www.maa66.malware-site.www

http://www.maa66.malware-site.www

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى