وكالة أنباء الادب العربى
مرحبا بكم فى وكالة انباء الادب العربى

موسوعة شعراء العاميه المصريه / ناصر دويدار

استعرض الموضوع السابق استعرض الموضوع التالي اذهب الى الأسفل

موسوعة شعراء العاميه المصريه / ناصر دويدار

مُساهمة  وكالة انباء الادب العربى في الجمعة يناير 29, 2016 5:06 pm

[url=]
ناصر دويدار[/url]



غيط برتقان قلبي
مجمع العصافير
كورال من نشيد الصبح
بيلم اليمام
وخيط شمس طالعه من حضن فبراير
ريحه خبيز صوتك
رغم المسافه اللي بيننا
مدفيانى
ودراعاتك محوطانى
مع انى ماليش مالكه
بتملك لك
حنيه ربانى
وقلب
مالوش غيرك
ابعتي عصافيرك
وعيونك السود البراح
تلم العيش اللي طالع من الفرن
ونعناع الغيطان
وصحن فول باللمون
وطبليه تلمنا حواليها
غيط برتقان قلبي
نتور روايح الحياه
علي المخاليق
انا الشجره الوحيده في الجنينه
برتقانها جرئ
وانتى البنت الوحيده في الدتيا
اللي بحق وحقيق



بنت جميله

تغنيك عن الأسئله

تفتح شرايينك

وتخللى الحياه ممكنه

ترمح خيولك ف المدى

وتصهل الروح

سرب عصافير

قطط

أسماك ملونه

بنت جميله

تخللى دمك كورال

بيردد الدندنه

القُبح عله.....مُزمنه




مستغربانى

مع إنها

من قبل آدم

مستنيانى

ولمّا جيت على حجرها بحر ومراكب

بالأندهاش

مغرقانى

يانجوى روح آدم الآخرانى

خشى ف أحضانى

كملى.....الوحدانى




أنا جيت أتمم مباهج القصيده

أنا خاتم الحالمين

والمبعوثين رحمه

لحُرقه القياله

وطالعة السقاله

والرجاله

ف الزمن البطانه

والبطاله

والسفاله

أنا.....خاتم المطلوقين

ع الغُنا

وشدة الأوتار

والدندنه

ومصاحبه العصافير

والمنبذوين من رحمه الأوطان

أنا جيت أتمم القصيده

يمكن .....

يشوف المكفوفين القلب

وهّج الحقيقه!!!!!!!!!!!





أطمنى من ناحيتى خالص

قلبى على مايرام

عمر الحياه مابتنتهى

من حبتين آلام

أو ورم تحت قوس الكمنجه

يوجع الأنغام

أطمنى خالص

بعرف أعارك الأيام

ومفيش ضباب ف السما

يغلب يمام

أو يمنع العصافير

من زقزقه أحلام

أطمنى خالص

أنا شعب من نعناع

رغم إنى أول جدع ع الأرض

كنت م الأيتام

وحيد

لكن ف جسمى شجر

بينفجر على مشربيه روحى

كلام

كان نفسى تشوفينى حقيقه

أعملك إيه

شوفتينى أوهام!!

أطمنى خالص

أنا مش حموت تانى

موته مجانى

خليكى نفيانى

ونسيانى

خليكى حا فره مابينك وبينى

بحر خصام

أطمنى خالص

رغم العبث

والتوهه

والفصام
أنا

الإمام









كل اللى فى الصوره زيك

برّه الزمن

والوقت

والتواريخ

وأنا اللى برّه برواز الصوّر

بهز الزمن
والوقت
والتواريخ

لازم ف يوم أكسر البرواز

وأدخل

كتفى بكتف الرُسل

والأوليا

وضحكه البنات

كل اللى فى الصوره زيك....مات

وأنا لمّا أموت

حيفزعك شعرى

حيقلق منامك
حيطّير النوم

من تحت أقدامك

أنا الرسول المبتهج شعر

وأغانى

وعصافير

ونعناع

رغم الزمن

اللى خللى أمثالك

بيتصوّر على جثه شهيد

هو اللى قتله

دفاعاً

عن وجوده

فى برواز أموات




برتعش لك حنين
دفينى محبه
ياتحويشه السنين
ياكل الصحبه
بحبك انتماء
رغم البعاد
والسفر
والغربة









فى حته ناقصه ف عدله الموازين

مش أعتراض على ربنا

من أى حته أتخلقوا بنى آدمين

من التراب الذكى..زينا؟

ولاّ...من سوّاد الطين؟

فى حته ناقصه ف حاله التكوين

مايستاهلش الصدق يتمرمط

ولا يستاهلش الحق يبقى أتنين

وأنا كل مره بعدها بغلط

رغم الخيانه...لسه عندى يقين

لا إنت حتتغيّر

وتبقى صادق أمين

وأنا عمرى ما أبقى أتنين

أنا عندى شك ف حكايه الموازين!!!!!!!

_________________
اعداد
محمد عبد القوى حسن

maa66aa66@hotmail.com
avatar
وكالة انباء الادب العربى
المدير العام للمنتدى
المدير العام للمنتدى

عدد المساهمات : 264
تاريخ التسجيل : 30/04/2010
الموقع : www.maa66.malware-site.www

http://www.maa66.malware-site.www

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى