وكالة أنباء الادب العربى
مرحبا بكم فى وكالة انباء الادب العربى

موسوعة شعراء العاميه المصريه / محمد الدليل

استعرض الموضوع السابق استعرض الموضوع التالي اذهب الى الأسفل

موسوعة شعراء العاميه المصريه / محمد الدليل

مُساهمة  وكالة انباء الادب العربى في الجمعة يناير 29, 2016 7:04 pm


[url=]
محمد الدليل[/url]
نفس الخطوة
-------------
حاول تمسك
كل خيوط الحلم بإيدك
واغزل منها
شمس نهارك
قمرة ليلك
واياك تيأس
يوم من ضعفك
خلى عزيمتك
تصلب عودك
خلى طموحك
يبقى سلاحك
خلى نهارك
حلم نجاحك
شمس تنور
ليك قدامك
واحلم خلى
الحلم يجيلك
خليه يخبط
يوم على بابك
وافتح بابك
لمّا تلاقى
الفرح نادالك
حاول تعزم
كل حبايبك
كل اصحابك
واحمد ربك
إنه وهب لك
قوة تحقق لك
أحلامك
نفس الخطوة
اللى انت مشيتها
والأحلام
اللى اتمنيتها
مليون واحد
عاشوا عشانها
واستنوها كتير
من بعدك
لكن لسه
ما أنش أوانها
يمكن بكرة
ويمكن بعده
ويمكن
لسه سنين قدامها
محمد الدليل

ودعينى
---------
ودعينى وودعى قلبى
اللى حبك من سنين
نابنى إيه من حبى ليكِ
غير ألم طول السنين
ياللى فيكِ الرحمة غابت
واتقتل فيكِ الحنين
الولاد متحيرين
فــى الوطن متغربين
كل دمعة فوق خدودهم
تكره اليوم الحزين
كل نقطة من دماهم
تلعن الغدر اللعين
تلعن الناس اللى باعوا
كل أحلام الغلابة
اللى عاشوا كالديابة
واللى خلوا الظلم عادة
زيها زى العبادة
وشفروا لينا السعادة
وموتونا بالبطيىء


مستنظرك
مستنظــرك من كـام سنـــــة
بالرغم مــن إنـــــــك بعيـــد
مش عـارف امتى هترجعى
ولا قـادراعرف لك طـريـق
الليل شجـون مالية السمـا
والبحـــر أمواجـه غريــق
كـــل الأماكـــن مظلمـــــة
والضى فى عيونك شريد
كـــل الأمانى الممكنــــــة
واقفة على الشط البعيــــد
صعبة الأمانـى الممكنـة
لو صادفت الحظ العنيــد
حلمى اللى عاشـق للسما
محتــــاج لزقــة كل إيـد
محتاج لناس بينهم صفا
محتاج لقوة من حديــــد
قلبى اللى محتـاج الفرح
جواه ألــــم عمـال يزيـد
محتاج أطبا من السمــــا
محتاج لفجر يكون جديد
يامعـــودة قلبـــى البكـــــا
إمتى الدموع ترحل بعيــد
إمتى السحاب ينزل مطــر
وامتى القدر يصبح سعيــد
صعبة الحياة من غير أمــل
صعب السفر من غير صديق


السيرة الذاتية :
--------------
الاسم : محمد أحمد سعد محمد الدليل
اسم الشهرة : محمد الدليل
من مواليد قرية المعصرة - مركز ملوى – محافظة المنيا
فى السادس والعشرين من أكتوبر من عام ألف وتسعمائة وثمانية وستين
حاصل على دبلوم المعلمين عام 1988 وليسانس آداب وتربية فى عام 1996
يعمل مدرسًا لمادة اللغة العربية فى مدرسة عمار بن ياسر التابعة لإدارة الخليفة والمقطم بمحافظة القاهرة .
بدأ فى كتابة الشعر فى سن مبكرة عندما كان طالبًا فى المرحلة الإعدادية, ولكن لظروف كثيرة مرت به توقف فجأة ولكنه عاد وبقوة إلى الكتابة مرة أخرى مع قيام ثورة يناير عام 2011
وعبر بقلمه عن الأحداث التى تمر بها الثورة فى البلاد فى ديوانيه ( حلم شاعر , وهمسات الدليل ) وله من الدواوين التى ما زالت تحت الطبع ( ديوان أغاريد للأطفال – ديوان إيد واحدة بالعامية المصرية – وديوان بالفصحى لم يكتمل بعد )
عضو اتحاد كتاب مصر
قام بتسجيل بعض الحلقات فى الإذاعة المصرية فى البرنامج الثقافى
سجل أكثر من حلقة فى القناة الثقافية .
أُعدت عنه حلقة كاملة فى إذاعة الاتحاد العالمى للثقافة والآداب
كانت من إعداد وتقديم الإعلامى مازن عمر
نشرت مجموعة من قصائده فى الصحف والمجلات
كرمته نقابة المعلمين بالمقطم لمجهوداته وإسهاماته الكثيرة بأشعاره
وكتاباته فى مجال التعليم خاصة فى مجال القرائية .
أعد الناقد والكاتب الأستاذ السيد إبراهيم عنه دراسة نقدية بعنوان السهل الجميل فى شعر الدليل تناولت الكثير من قصائده . لا يعرف الدليل سوى الأمل . يبثه من خلال كلماته وقصائده وهو يطمح لأن يحجز له مقعدًا مع كبار شعراء العامية المصرية والله هو الموفق والمستعان .

_________________
اعداد
محمد عبد القوى حسن

maa66aa66@hotmail.com
avatar
وكالة انباء الادب العربى
المدير العام للمنتدى
المدير العام للمنتدى

عدد المساهمات : 264
تاريخ التسجيل : 30/04/2010
الموقع : www.maa66.malware-site.www

http://www.maa66.malware-site.www

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى