وكالة أنباء الادب العربى
مرحبا بكم فى وكالة انباء الادب العربى

موسوعة شعراء العاميه المصريه /اشرف عتريس

استعرض الموضوع السابق استعرض الموضوع التالي اذهب الى الأسفل

موسوعة شعراء العاميه المصريه /اشرف عتريس

مُساهمة  وكالة انباء الادب العربى في الجمعة يناير 29, 2016 7:12 pm

[url=]
اشرف عتريس[/url]

يعلم الله  . .
. .
   الواحد على قد ماعاش
بيقضي العمر يفك الخط
ويقرا الوشم بعينه زى الغجر
حتى العمر يرجع يستخبي جواه
بعد مايسرح بين الخلق يلتقيه بينادي
يابوقلب طيب جداً من دون البني آدمين
صدقنى من غير ما أحلف لك يمين
أن غويط البحر بلاط . .
لو خطيت برجلك..هاتعديه
إكمنى قلبك شارع لم يمانع تسكنه كل البنات
شرط الواحدة فيهم يكون للشوق جواها مطرح
الخجل يبات فيه آخر الليل
من غير عقلك مايودي ويجيب
وتقلبها فى دماغك بحسبة تاني
الليل مايقدر يسرق بواقى الضى
مدام الروح لسه بتعافر  ..  مش راضيه تسيب الوطن التانى
حقيقه ماينكرهاش غير واحد غيرى
عينيه كارهاني . .
واحد غيري . .
جوانى . .
ashraf.atrees@yahoo.com



بيرجع يحن ع الغرقانين                                   . . يماىالبحر..      
        زى مايحدف جواه اسرار                                              
* * *
ياااالله                                                                                  
  مشيت السكة بضهرى ايام خضار العمر                                                                
معادي النديد ومقاطع بقيت الناس            

العين مفتوحه بوسع السما والنفس يدارى الخلق
علي فين هانروح يمايه لما شمسك تبتدي تغيب
ولا الزمن لما يبطل يخيب . .
أحزانه بيفرقهم حبة فتافيت
حبه م القهر اللى محدش غيرنا يعرفه
                              لايام اللى كانت قاسيه بجدl على حبة حزن م
لا بينسى بواقى الحلم المحروق
ولا طعم الدنيا  فى عين اللى شا يفها
       .     وحبة حواديت احلام وقلوب
بجد وجد                                                    
صحيح..الفرح له طبل وناس تعجن الحنة                                  
     وأكم من ناس                                                    
تتقوّت بالحلال وتخاف من ربنا وتحبه                    
مهمن كان الدم شايط والقلب خزيان                        
ترمح عليه بالعشم                                            
عشان بتحبه..                                                
ولا غيرك حد ينشغل بغيابى ..يمايه                                  
ويرتب روحى يرشها بالنوراللى طالع                                
يتسحب قبل طلوع النهار                                              
ده اللى مخلينى ..                                                      
أسبق موتى واهزمه قدام الناس أجمعين                            
وأشم ريحة الفل مفوحه فساتين البنات                              
اللى نايمه تدهن فروة حلمها بالزيت والحليب                      
فيطيب مطرح الكرمشة ..                                            
وأرجع مهما كان ..دمى شايط وقلبى خزيان                      








                 
أرجع عليه بالعشم عشان باحبه وانتى كمان بتحبيه                              
يماى زى البحر .                                                                .  

البحر زى مايحدف جواه أسرار                                              
بيرجع يحن  ع الغرقانين                                                    
الله يماى زى البحر ..                                                      
كل مايحدفنا جوه النار                                                    
يخلق جنة للموعودين                                                  
الله الله الله الله                                                        
يماى ع البحر                                                        
&&&&&&&                                                        


                                                   
                                             ashraf.atrees`@ yahoo.com      






                                                                                                         


..  فى الحضرة  ..

                           كان الحمام بض ..
                           والبساط أحمدى ...
                          والريحة من عند النبى مع صوت فيروز


قلبك مفرودعلى نص الشيش ..
فمفيش من ضللك غير الفرجة  ع العتمة ..
والطمى اللى فيك ..
مش واخد سدره غير اللون  اللى سود كل العيون ..
اللى كانت بتغطيك ..
فلقيت نفسك عريان  ..  بيستخبى  ف غناهم – حلاوة روح ..
أنا كنت غداهم ..
ومفيش مقام فى الغنا مجربتوش  فى النشف ..
قبل الغرق اللى راجع يلبس عرق ..
وكأنك حددت الساعة للصوت يهج ..
فى اللحظة اللى لسه الولد كان بيتعرف عليك ..
كنت سارق لهفتك ومبين الوش الحليب ..
مفتون باللى شابك جزمته ف عروق رقبته المنفورين
فعرفت ان الزمن كان مرافق  حضرتى وبيراهن ع الجسد .. فاشهد...إن الزمن مرافق ضحكتى ومش واخد لبالى الحزن نافد منين  يا هل  ترى هنخون .. !! ..
فى المسافة اللى بين الوجع ونص الطريق ولا ..
محلا القصايد بالكدب والدنيا بحالها  ف وردتين فى كتاب  ..
وحلم بايت تندغه بضرسك القديم .
متهيألى ..
بعد ما شقيت معاك البحر سكة ودست ع الجليد ..
وجمر وجرح وجماجم  وجلد وبدن ..
من حقك تحضن رعشتى  وتقسم معايا الشوف لبعيد وتلون ..
فراش مخلوق من دمى ومسميه الوطن  - متعود عليه ..
من وحنا صغيرين بنعرف بعضنا ..
والجرئ فينا يخربش ف اللفه يدفن عنيه ..
يحتمى بالحمام فينشد هديل ..
مدد .. مدد .. فيروز بتشهق يا ملك ( فوء التل العتيئ ) .
يابوووووي  .. أنا وأنت اجمل ما خلق ..
يا ريح من عند النبى  ..
أجمل ما خلق من ريح ..
مجاريح ف حب النبى .. مدد .. مدد ..









سيرة ذاتية ..
اشرف عتريس (51عاما) 1964
شاعر عامية وكاتب مسرحى
عضو اتحاد كتاب مصر
نائب رئيس اتحاد كتاب شمال الصعيد 2012-2013
عضو الامانة العامة ثلاث دورات 20002،2006،2007
الامين المساعد للامانه العامه لاْدباء مصر 2007
مؤلف مسرحى معتمد بالادارة العامه للمسرح التابع للثقافة الجماهيرية
صدر له :
ممنوع من الجوازات 1988 ديوان شعر
ليها طعم جديد خالص 1998 –النشر الاقليمى –الثقافة الجماهيرية
واحديات –ديوان شعر –سلسلة ابداعات –الهيئة2001
انت متورط معايا –ديوان شعر 2005 ط خ
حلقة نار –مسرحية -2006
شهدى ،سر الولد –مسرحيتان 2005
قلب الكون ،التوهة –مسرحيتان –سلسلة نصوص مسرحية2014
نشرت معظم قصائده بالصحف والمجلات الادبية المتخصصة
(الجمهورية ، المساء ، الاهرام المسائى ، الثقافة الجديدة ، مجلة الشعر ، ادب ونقد )
والاقليمية والاليكترونية اْيضا
تحت الطبع :
جلد الشوارع –ديوان شعر



ولد مفتون بالزهد – ديوان شعر
هستيريا ، موت سين (مسرحيتان) ط خ
العبابدة –دراما طقسية
محدش غيرى –ديوان شعر –الهيئة
اعمال مسرحية نفذت على خشبة المسرح:
حلقة نار ، فلاشات ، بنحب الشمس ، من حقنا ، قلب الكون ، بارانويا ، فوبيا ، سر الولد،دم الحمام
الجوائز والتكريمات :
مركز اول فى الاشعار المسرحية للعروض
سندباد1994
حلم يوسف 1996
دم الحمام 1998
سى اليزل1999
ملحمة السراب 2000
صباحية مباركة 2003
مع المخرجين (حسن رشدى ، طه عبد الجابر ،بهاء الميرغنى ، اسامه طه)
فى المهرجانات الختامية للمسرح الاقليمى بالثقافة الجماهيرية .
تكريم فى اقليم وسط الصعيد ، جامعة المنيا ، جمعية الجيزويت بالمنيا،اتحاد الشباب التقدى بحزب التجمع ، مديرية الشباب والرياضة ،فرع ثقافة المنيا،بعض الجمعيات الاْهلية ،جمعية نبض الحروف ، جمعية الصعيد ،
*تكريم مؤتمر ادباء مصر 2012 عن الوجه القبلى –شرم الشيخ- الدورة 27
مشاركات ثقافية :
المؤتمرات العامة لاْدباء مصر فى (الاْقصر ، الاسماعلية ، السويس ،سوهاج ، الاسكندرية ، الفيوم ، مرسى مطروح ،الجيزة ، شرم الشيخ )والمؤتمرات الاْدبية بالاقليم ومحكى القلعة وليالى المحروسة لعدة سنوات .
مهرجانات نوادى المسرح والمسرح الجامعى بجامعة المنيا منذ1992حتى 2005
أخصائى ثقافى بفرع ثقافة المنيا
انضممت الى نادى الادب بالمنيا منذ 1984 حتى الآن
كان لى شرف حضور أول مؤتمر ادباء الاقاليم 1984 فى المنيا
عضو لجان تحكيم نوادى المسرح التابع للهيئة العامة لقصور الثقافة

_________________
اعداد
محمد عبد القوى حسن

maa66aa66@hotmail.com
avatar
وكالة انباء الادب العربى
المدير العام للمنتدى
المدير العام للمنتدى

عدد المساهمات : 264
تاريخ التسجيل : 30/04/2010
الموقع : www.maa66.malware-site.www

http://www.maa66.malware-site.www

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى