وكالة أنباء الادب العربى
مرحبا بكم فى وكالة انباء الادب العربى

موسوعة شعراء العاميه المصريه / وفاء امين

اذهب الى الأسفل

موسوعة شعراء العاميه المصريه / وفاء امين

مُساهمة  وكالة انباء الادب العربى في الجمعة يناير 29, 2016 9:22 pm

[url=]
وفاء امين[/url]



ابويا الحج اللي ماشفته ابدا محتج
الرضا كان قبلة روحه وله بيحج
كان يصحى الفجر ويتوضا
بشلال م العشق
ونايات السما وياه تكبر
والروح بترج
عواميد البيت اللي بتشهق
عضمها ينشق
من طهر دعاه اللي بيهمس
انوار بتفج
وابويا الحج اللي ماعمره
قال كلمة لأ
غير بس لكل شيطان حاول
يدخل من شق
يستغفر وملايكه تحاوطه
يهدى ويرق
جلابيته البيضا بقت ناصعه
من قلب يدق
وبينضح بالورد الطارح
رياحين المسك
بيرطب في لسانه الآيه
والذكر يفك
تفاسير الاسئلة وحديها
تجاوب وتشب
فايغيب ويسافر ورا روحه
مجذوب بالعشق
الله الله يارسول غالي
قرب لي البعد
مشتاق للوجه اللي بشوفو
في احلام الوجد
والصبح بيجي عليه دايما
بالدفا والود
تتبسم في عيونو الكلمه
ويحضننا بجد
نسمع أوارده والحانه
واغاني الست
من عوده الهايم وكفوفه
تعزف وتدق
في عينيها الهنا كانت امي
بمزاج بتصب
ابريق الشاي اللي بيغلي
على نار الحب
تضحك له عينيها النعسانه
وتشاور ايدها الشقيانه
م الاول غني وعيد تاني
اطربنا ياحج
! غير بس لكل شيطان عايز
يدخل من شق




-------------------------------

بقوم م النوم على خضارك
وطول اليوم انا ف دارك
تفرجني على كونك
اروح وياك عشان كونك
ف قلبي وروحي وعنيه
بتسقي عروقي حنيه
وتفتح لي دواليب السما نورها
اشوف الارض والفلاح بيبدرها
فتشهق روحي واتعطر
اشوف الجنة واتصبر
واشوف فلاحة طراحه
بتفاحتين على خدودها
على دراعها ولد نعسان
بيتمرجح بخطوتها
ويصحى يقول لها آمه
ينام تاني على الضمه
على راسها مشنة عيش
عودين جرجير وجبنة قريش
وتقعد تفرش المنديل
وحنية لبنها تسيل
فاتزرع صدرها ف حلقه
تخاف يصحى يضيق خلقه
تحاجي عليه بطرحتها
وتدعي له بحرقتها
وتنده ابوه بصوت عالي
وتضحك له يهون قسوة
شقا صبره
ولما يقعدوا ياكلوا
عصافير الغيطان تحلم
تعشي عيالها من جوفها
وتعلى بسرعه لو قرب
ابو قردان يخوفها
وهي وهو يتشاوروا
ويتسامروا ويفتكروا
كلام الليل وحنية
ايدين الليل على كومة عيال نامواااا

_________________
اعداد
محمد عبد القوى حسن

maa66aa66@hotmail.com
avatar
وكالة انباء الادب العربى
المدير العام للمنتدى
المدير العام للمنتدى

عدد المساهمات : 264
تاريخ التسجيل : 30/04/2010
الموقع : www.maa66.malware-site.www

http://www.maa66.malware-site.www

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى