وكالة أنباء الادب العربى
مرحبا بكم فى وكالة انباء الادب العربى

موسوعة شعراء العاميه المصريه / الكابتن غزالى

استعرض الموضوع السابق استعرض الموضوع التالي اذهب الى الأسفل

موسوعة شعراء العاميه المصريه / الكابتن غزالى

مُساهمة  وكالة انباء الادب العربى في السبت يناير 30, 2016 10:20 am

[url=]


يا حمام روح أوام لجمال
بوس خدوده
قوله جنوده أشتاقوا
والله للقتال
-------------------------------------------------------------------------------------
قولها ياناصر
قولها
قولها وقرب يومها
شعب وجيش
شعب وجيش
شعب وجيش نخوضها
هيه الحرب
هيه الحرب
هيه الحرب بعينها
------------------------------------------------------------------------------------
قولها يا ناصركل الشعب العربي
في إنتظار يوم التار
يخوض النار
بأسم الأطفال والثكالي
بأسم الشهداء واليتامي
بأسم الأرض
بأسم العرض
آدان الحرب سنه وفرض
يا نعيد مجد الآوطان
يا نموت شهداء أبطال
مش ح نسلم ..لالأ

من أغاني ولاد الأرض
كلمات الكابتن غزالي
كلمتي الحره
يا كلمتي الحره دوري
لفي وزوري
احكي وقولي
ووزعي البسمه بشاير
ولفلفي الغيط وقوليله
بكره نجيله
نحني نخيله
بنصرنا داير ..داير
.....
يا كلمتي الحره مدي
إغرفي وادي
بوسي وشدي
علي إيد جنودنا السهرانه
ليلهم نهارهم ع المدفع
تحمي وتدفع
تسهر تصنع
من دمها لمصر مناير
......
يا كلمتي الحره يا قوتي
شقي وفوتي
حاضنه بيوتي
وشايله من عرقي حمايل
لفي الصحاري وارويها
تخضر وتكتر روابيها
وتحول الصخر جزاير
.....
يا كلمتي الحره يا ديني
ياقلبي يا عيني
يا فلسطيني
يا مسجد الاقصي يا تاري
ياقدس يا مهد مسيحي
ولولي..صيحي
بيدي وطيحي
أعداء سلامي ونهاري





بالروح والدم
ح نواصل
ح نواصل
مشوارك
شعب وجيش
ح نضحي
ح نضحي
حنضحي ياأبو خالد كرامه لك
ح نحقق الوصيه
بمبادئك هيه هيه
حريه..حريه
إشتراكيه..إشتراكيه
وحدة أمتنا العربية
نأكدها ونحميها
بالروح والدم
يانن عين بلدنا
يا نبض قلبها
يا معلمها الكفاح
يا باني مجدها
ح تغنيك المصانع
مع كل فجر طالع
حرية ..حرية
إشتراكيه..إشتراكية
وحدة أمتنا العربية
نأكدها ونحميها
بالروح والدم
أشعار الكابتن غزالي



في ذكري رحيل الزعيم الراحل جمال عبد الناصر
عبد الناصر في أغاني ولاد الأرض
أشعار الكابتن غزالي
قولوا لأ
...
قولوا لأ ..وألف لأ
ناصر..ناصر
ناصر ما متش وعن مبادئه مفيش رجوع
مات عاش عبد الناصر ثائر يكره الدموع
يا جماهير شعبنا
عبد الناصر حبنا
عاش أمامنا وزندنا
مبادئه باقيه تدلنا
وتقولنا
الثوره باقيه مفيش رجوع
قولوا لأ
...
ناصر ما متش وحي بسمه في النجوع
لأوالف لأ ما نرضي بلدي بالرجوع
كلنا جمال
نشيدنا يا رجال
حي ع الكفاح يابلدي وأمسحي الدموع
وقولوا لأ
.....
لأ والف لأ
قالها شعبي بالحناجر
ناصر ما متش
ناصر غيطان حب وخناجر
ثوره حالفه تحافظ ع المكاسب
ثوره دائمه ح تدافع تحاسب
وقولولأ
.....
يا غيطان يامصانع
يا فلاح يا صانع
يارجال مصر العفيه
كونوا سد مانع
قدام كل طامع
م الخونه والرجعيه
ناصر حي فيكم
عاش عمره ليكم
مبادئه بتناديكم
صونوا الأشتراكيه
وأرفضوا الخضوع
وأطلعوا جموع
وقولو لأ
وألف لأ




ح نكمله أشعار الكابتن غزالي
.....
ح نكمله ح نكمله
الشعب باقي
واللي باقي ح نعمله
ونخلدك يا ناصر
يازعيم الأمه يا كاسر
شوكة عدانا
ولحمانا
الصعب دوسته بأكمله
....
ح نكمله رايتك قضية عمرنا
ياللي فنيت عمرك كفاح من أجلنا
وح نحمي طوبه طوبه
وننصر العروبه
جيلك يا أغلي الرجال
جيلك كله جمال
من سينا للجولان
ح نخلدك ونحرره كل اللي قلته ح نعمله
.....
ح نكمله عهدك ويشهد ربنا
يا مؤمم قنالنا وباني سدنا
وح نحمي الأشتراكيه
ووحدتنا العربية
ملايين فلاح وعامل
في الغيط والمعامل
ح يأدوا الواجب كامل
ذي ما قلت ح نعمله







من أغاني ولاد الأرض
كلمات ..الكابتن غزالي
عبروا
عبروا الولاد السمر
مجاديف الأنتصار
جولك يا سينا..بعدشوقه
يخلصوكي م التتار
جولك علي جسور من عضاهم
ينقشوا بكره الحنين ...
من دماهم
رفعوا علمك ...يابلادي
قمره في عز ....النهار
****
عاشوا الرجال...السمر
جيش الفلاحين
تسلموا ياجنود...بلادي
ع الأعادي ..منصورين
تسلموا يا زند مصر وفخرها
مصر فيكم طالعه..تتحدي السنين
شايله بكره من دماكم
جي ضي وبسمه خضره
في كل دار
*****
تسلموا يا نسور بلادي
في السماء زي الرعود
تسلموا فوق السفاين
زي موج الضي
بيشق السدود
تسلموا ع الأرض
يا أشجع جنود
شدوا بكره..من ناب الديابه
غيروا يوم الغلابه..بإنتصار



من أغاني (الصينية ) (1)
الحنة السويسي
......
يسعد صباح الحبايب
الهوا طابعه العجايب
- يا نازلين البحر تملو
أنا مستعد أبعت ركايب
....
لح لاحي يا لح لاحي
ونجيلكم في الأفراح
الريس عقبال عنده (يسمي من أسماء الضيوف)
ونجيله في الأفراحي
.....
يا جارية أمه الحبشية
يا شراية المال
قومي أفرشي لعريسنا
خليه ينام
فرشت له يا نينتي
زي ما قولتي
سبع مراتب ورد أحمر
ولحاف م الشام
قاعد ع السلم ولا يتكلم
عاملي عمده ومعلم
وشيخ التجار
....
صلوات الحنه
العبوا يا صبايا لعب الحنه
صلوات الحنه
الهنه زهر من الجنه
يا لواشه
يالواشه
دقن الباشا
يالواشه
يابوبه يابوبه برعوث قراصني
في الحته دي( يشير الي منطقه في جسمه
وصلي صلي
صلي
يا حاجه قومي
صلي
وأدعي لعريسنا وصلي
وصلي
الليله ليلته
صلي
هو اللي قلي
صلي
سلامات يا خلي
صحي الحبياب يالا
وأدعي لعريسنا
صلي
ليله عريسنا
مزهره
والحاجه عامله
صغيرة
طويله وعامله
قصيرة
وأنا مالي وأنا مالي
وأنا مالي
هي اللي قالت
وأنا مالي
تعال بدري
وأنا مالي

------------------------


من أغاني الصينية (2)
الحنة السويسي
وأنا مالي
والليله ليلتك
وردي
والناس في سيرتك
وردي
عريسنا غالي
ياهووه
إبن الأصول يا هووه
أبن أبوه
غنوا وهنوه
هوه
هووه
يا هوانم يا ولاد الحبش
ياولاد
الحبش يالبش
ياتري مكانك فين
وانا أجيلك
يا بو قبه ساكن فين
بنت العرب يا دليله
شمشون فرحه
الليله
يالاليا يالالاياللاليا
يالاليا إيد عريسنا محنبة
يالاليا
قيم عينك القطعية
واتكه
وزيدها شويه
وان قالت لك تعبانه
يالاليا
خش بيها الخزانه
يالاليا
وأن قالتلك جعانه
يالاليا
فرجها ع السمانه
يالاليا
وان قالتلك ما بكلش
أعمل عمايلك ع البرش
دلك ودلك
دلوكه
ليلة عريسنا مبروكه
سمعني
صوت الدلوكه
والشمع قايد
دلوكه
العب يا دنجه
دلوكه
العفو منك
ياغالي
ياسليمه
ياشيخ الدار
أخت العرب يا وزيرة
ياوزيره
بنت العرب
دليله
يا سيد نجد
يا دواديه
وعليك أنا
ياتمرجية
الحسنين
ياولاد النبي
ياولاد النبيكابتن غزالى[/url]

_________________
اعداد
محمد عبد القوى حسن

maa66aa66@hotmail.com
avatar
وكالة انباء الادب العربى
المدير العام للمنتدى
المدير العام للمنتدى

عدد المساهمات : 264
تاريخ التسجيل : 30/04/2010
الموقع : www.maa66.malware-site.www

http://www.maa66.malware-site.www

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى