وكالة أنباء الادب العربى
مرحبا بكم فى وكالة انباء الادب العربى

موسوعة شعراء العاميه المصريه / شاهيناز فواز

استعرض الموضوع السابق استعرض الموضوع التالي اذهب الى الأسفل

موسوعة شعراء العاميه المصريه / شاهيناز فواز

مُساهمة  وكالة انباء الادب العربى في السبت يناير 30, 2016 10:24 am

[url=]
شاهيناز فواز[/url]




" مر الشتا "

مر الشتا من غير
ما يحدف ع البشر
حبة مطر
تغسل قلوب الغاضبين
من نفسهم وم .. الحجر
اللي سكن جوه النفوس
مر الشتا
والدعوه من غلب الحزين
متعلقه ما بين وبين
مستني ضحكه م الحياه
والمحرومين
مترصصين واقفين ف
زحمة الأماني المبهمه
تايه طريقهم م العمى
راصد شرودهم محكمه
وانت بقى " مستني مين " ؟!


" وصول آمن "
*أنا والقطر نتمنى
وصول آمن
وحبة شوق لأيامنا
يكون فينا شعور كامن
بنوعد بعض نتقابل بوش سعيد
ونعزم بعض ع المشاريب
ف قلب حكايه جوانا
ويجي الليل يزيف
خطة المراسيل
وتجرح ضحكنا التفاصيل
وبسمة لسا فاكرانا
وباتسلّى بقرب محطه مش ليا
ويتسلي بجنيَّة
بتكتم سر مش بيعيش
ده كم تعريف
لكلمه خطفها مني القطر
وقت ماكنا بنسلم
رجعت لاقيت
رصيدي م الكلام سلم
وأعلن انه .. ما يكفيش !!



" غريب "

*غريب الحس والكلمه ..
غريب الكون .. غريب الشكل والمضمون ..
يا شوق مدفون .. بيستنى اللقا يرجع ..
وتتلاقى ملامح ناس ..
فاتت جواها الف كلام .. بيتألم ..
وبيعلم على الصايمين عن .. الاحساس
....
غريب الخوف ..بيتمكن من الاموات ؟!!
وبيسيب للحياه . . مسافات
نعيد الرحله م الأول
ولو ف السكه .. هنطوّل
هنلقى للقا .. حكايات
....
غريب الحب يجمعنا
ونستنى الفراق اشارات
ولو ع القلب لا معنى
لسطر مقفل العبارات
وحلم يتيم بيوجعنا
وليه م الفرح .. يمنعنا ؟!!
ف ذكرُه بتعطل النبضات
....
غريبه الضحكه مرسومه
بشكل عجيب
بترسل للبكا صوره
ف حضن الغيب
وتحلف إنها شارده
ومن غيرها القلوب
بارده
تشكل م الحياه ورده
وتوصلها لأوفى قريب !!




الاسم : شاهيناز محمد فتحي ابراهيم  فواز ( شاهيناز فواز )
بكالوريوس تجارة نظم معلومات جامعة القاهره
حاصلة على معهد اعداد دعاة من وزراة الأوقاف
حاصلة على المركز الأول في القصه القصيرة على مستوى شباب الجامعات للعام الجامعي 2000
عضو اتحاد كتاب مصر
عضو رابطة الأدب الحديث
عضو مؤسس بجمعية مبدعي مصر
عضو المجلس المصرى للشعر العامى
صدر لي مجموعة قصصية عام 2009 بعنوان ( داخل حدود البرواز )
ديوان شعر ( كلام فارغ ) 2012
مجموعة قصصية " أنا .. الذي لا اعرفه " 2013
مشاركة بأعمالي الأدبيه في ندوات خاصه بنقابة الصحفيين واتحاد الكتاب والعديد من الأمسيات الأدبية
شاركت بقصيدة ( كلام فارغ ) ضمن ديوان جماعي ( سيمفونية البوح ) اصدار منتديات أبناء طيبة
كما شاركت بقصيدة ( حبيبتي اللي كانت ) ضمن ديوان جماعي ( من موسيقى الثورة ) اصدار جمعية مبدعي مصر
تم نشر العديد من الأعمال الأدبيه في بعض الجرائد (الرأي العام.. الشرق الأوسط.. اصوات الجماهير ...) وبعض المجلات ( حواء .. شباب اليوم الاماراتيه.. صوت الفنانين .. المرأة اليوم ..بوابة روز اليوسف )
كما نشر العديد من الأعمال في المواقع الالكترونيه (اليوم السابع.. صيد الفوائد.. مجلة انهار الادبيه .. وموقع مشاري بن راشد العفاسي وغيرها..)
من أعمالي التي نشرت
( المعادلة الصعبة ، ذو الوجه الشاحب ، أمل.. ابتسامة لا تغيب ، حنين ، ديسمبر ، عندما يموت قلب ، لوحة أغلى من الذهب.... )
لقاءات على قناة النيل الثقافيه  ، وقناة القاهره المحروسة ..وقناة روتانا مصريه برنامج( عز الشباب )، وقناة النيل  tv.. قناة mbcمصر ..  إذاعة الشباب والرياضه ، إذاعة صوت العرب
حصلت على تكريم من محافظة الفيوم لمشاركتي الأدبية في تنشيط السياحة بالفيوم عام 2012
وتم تكريمي من قبل الاتحاد العربي للإعلام الالكتروني   ضمن 55 شخصية ثقافية وإعلامية لعام 2012
مؤسسة قناة نبض مصر الالكترونيه..
قناة أدبية منوعه على اليوتيوب .. تهدف إلى التواصل الأدبي والثقافي والفني الهادف والمهمش ..وتقيم فعاليات شهرية بأماكن ثقافيه متعددة
تم تكريمي من قبل نقابة المعلمين  بحلوان 2015
تم تكريمي من قبل ملتقى السرد العربي للدكتور حسام عقل 2015

_________________
اعداد
محمد عبد القوى حسن

maa66aa66@hotmail.com
avatar
وكالة انباء الادب العربى
المدير العام للمنتدى
المدير العام للمنتدى

عدد المساهمات : 264
تاريخ التسجيل : 30/04/2010
الموقع : www.maa66.malware-site.www

http://www.maa66.malware-site.www

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى