وكالة أنباء الادب العربى
مرحبا بكم فى وكالة انباء الادب العربى

موسوعة شعراء العاميه المصريه / مصطفى التمساح

استعرض الموضوع السابق استعرض الموضوع التالي اذهب الى الأسفل

موسوعة شعراء العاميه المصريه / مصطفى التمساح

مُساهمة  وكالة انباء الادب العربى في الأحد يناير 31, 2016 6:25 pm

[url=]
مصطفى التمساح[/url]





(وريد قديم) .. قصيده جديده ..مصطفى التمساح
متنهده اوتار حنين البرد

لضلوع الدفا

متلفلفه

بانفاسك المطحونه ف

وشوش الشوارع

متلحفاك

على بورش سجن الحرف

فوق الارصفه

متكتفه فى العود

وعود الدندنات

وسواس بيصنع

دربكه وتشنجات

وتأكولات فى شطوح

طموح الأنسجه

فى وريد قديم

مركون

مصدى فى الدماغ




---------------

موجوع حنين...//قصيده جديده
اللمسه بتكرمش
على كف الإيدين
مطرح ماكانت
تحضن إيديها
وش إيدى
بلاش تقيدى
جوايا طعم الشفه
مركون ع الحيطان
جوايا رسمك
محفور ف تنهيدة فراق
جوايا ضاق الاتساع
المحتمل للاحتمال
شدانى من عطش
التمرد ع المحال
رميانى على
وجع المقدر والنصيب
لما اتخطف منها
الحنين
غصب عنها اتقيدت
ف ضلوع غريب
سهران بينهش وشها
ورا عتمة الخوف الرهيب
وانا قلبى متساب
ف اللهيب
مكتوب أعيش الدنيا
مسروق الفرح
مكتوب أكون
قلب متصاب بالعطن
عايش يعاند ف الزمن
عايش وطن خرافات
قصايدى ف الشجون
عايش وبرفض أى لون
الا لون الإسوداد
حداد على الحلم اللى مات

------------------------

يحكى انك (قصيده جديده)
يحكى انك

صرخه اتمدت
رفضت تخضع للتأجيل
يحكى أنك
لفظ اتجسد
جوا المعنى مالوش تأويل
يحكى أيضا
إن وجودك
رغما عن كل العراقيل
كان إمكان
للقدره فى كونك
كان اعلان
للرفض الحتمى
لكل أرائهم بالتفصيل
يحكى أنك
دعوة فجر
فى ساعة الضلمه
هلاك للظلمه
فى سورة الفيل
يحكى ويحكى
أيضا عنك
إنك رافض
كون دورانك ف الملكوت
وانك صوت
بينادى الواقع للتعديل
يحكى انك
غضب اتعمم
رفض اتعظم
جوا عقول الناس الفقرا
أصبح زعقه فى وش السلطه
واقع حتمى مالوهش بديل

_________________
اعداد
محمد عبد القوى حسن

maa66aa66@hotmail.com
avatar
وكالة انباء الادب العربى
المدير العام للمنتدى
المدير العام للمنتدى

عدد المساهمات : 264
تاريخ التسجيل : 30/04/2010
الموقع : www.maa66.malware-site.www

http://www.maa66.malware-site.www

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى