وكالة أنباء الادب العربى
مرحبا بكم فى وكالة انباء الادب العربى

موسوعة شعراء العاميه المصريه / ابراهيم الملاح

استعرض الموضوع السابق استعرض الموضوع التالي اذهب الى الأسفل

موسوعة شعراء العاميه المصريه / ابراهيم الملاح

مُساهمة  وكالة انباء الادب العربى في الإثنين فبراير 01, 2016 3:53 pm

[url=]
ابراهيم الملاح[/url]


((راعى بيرعى فى جزيرة الله))

************************

                                       عاميه مصريه
إبراهيم الملاح
*******************



ثلاث نصوص بالعاميه المصريه
**************************************













(1)
النشيدة البهيه
********

تخمير
ـــ
يا هند هاتى من – الهـوى الوهـــاج
                وأتمكنى ف الفتى  وهاتيه عـلى الأدراج
وغنى أنت الحبيب   اللي سـكن قلــبي
               وأنت الولى اللى أتى يرقص على  الأمواج
******

ككو .. ككو
وحدوا .. ربكو ا
*************


وفضوا ختم البكاره
من على قلبكوا
لوكات ضلوعكم ملككوا
ودوها نبع الريح
وعمدوها فى لجيج الميّه
تبوح بمكنونها ليكوا
كوكو كوكو –
كوكو كوكو
وحدوا ربكوا
-------
ياكلكوا
أنا عودى طفله بضفاير
عنقود عنب مخمور وفاير
يقرى كتاب المصاير
يقول :
يا ديب عوى ف السحر
ففجع عيدان الحشيش
خدنى من الصمت الشقى
دخلنى قلب الوشيش
نادى لشجر الشمس ف العتبات
جالى كبنت بتغتسل م الوجع
البحر يضحك ليها
والأرض تديها طياب النوت
فتبوح بمكنونها لكوا
--
كوكو كوكو –
كوكو كوكو
----
عد لنا موج البحر يا
دا الجى أكتر م اللى رايح
وروايح الحلوين فى كمى نبع فايح
منديل يعدى الأوليا ..
وسكن لبنت الروح
بديعة السر
أم العيون المسنودين ع الرغبه
المطلقين ع السما راكبين معارجهم
بيفضوا أختام الغياب
من باب لباب
ومن سقف لسقف
وخدين معاهم أرضهم وخيولهم
أرواحهم المتلحوسه بالطين
.. فى حين
ومباهج الطواسين فى حين
بتنادى طفل يمام بيذكر كوكو
ويمامه
تغنى للمجهول لكوا
و تزف كل صباح عيالها للشقى تصلى
ع النبى ..  بتصلى
ع الكد .. بتصلى
على كسرة الضهر العجوز .. بتصلى
على كل أرجوز نبح صوته
وعدى ف الديار---
يقرى كتاب النار .. تصلى
الله ماصلى
على حرف الكتاب الدور وصلى
يا كل من عطر عيون الحى --  صلى
صلى لشجر النخل ف العالى
ولوردتين فى خدود البنت تحلالى
فتكون حلالي وموالى
جسد نافر طرح رمان
وبطن باتت هوى
طرحت عجين خمران
فانفضت الهوجه
البحر جاب الموجه ع الموجه
عد لنا موج البحر يا
د الجى أكتر م اللى رايح
وروايح الحلوين فى كمى نبع فايح
منديل يعدى الأوليا ..
وسكن لبنت الروح بديعة السر
أم العيون المينودين ع الرغبه
المطلقين ع السما راكبين معارجهم
بيفضوا أختام الغياب من باب لباب
ومن سقف لسقف
وخدين معاهم أرضهم وخيولهم
أرواحهم المتلحوسه بالطين .. ف حين
ومباهج الطواسين فى حين
بيغنوا للمجهول لكوا
كوكو.. كوكو --  وحدوا ربكوا
وحدوا ربكوا
*******

تصفيه
====
ناداني البحر جيته حـد عــنده
           بكيت م الشوق فنــادتني الغزاله
هفت ف النور تلاعبني في دمـى
            وتسقيني الشراب حـتى الثمـالة
وأنا ف الحضره أنشـد يا حبيبه
            أنا فى الحضره موثوق بالـغلاله
مدينة النور تنازعنـي الهويــه
            تفض فـيا أســرار الجــلاله
فتني البحر رحت في قــيعانه
           وحيد ف الفتنه برقص للــدلالة
حروف البدء مرساها ف جروحي
             وبدء الروح ف ترتيل الغزالـة

============


(2)
شجر المنية
ــــــ
ذِكِرْ
**
شجر المنيه طرح
جسد الغياب الطين
عصفور وطار أنفلت
للأخر ه م الملكين
أمين.. وصدّق وهلل..
يامداين الحين
كسر تلال الذاكره
فرغ حكايات التاريخ الفالت ..
الواقف على شط المحال ..
إش حال أنا ما كنت ..
بعشق عيونك .. حال..
يا سيدي .. يا سيد الوطن لألهى
يا سكرة الخضره فى كف الأرض
يا منتهى وحعى الجليل
باروضة الأحوال..
طفلي الصغير حبا
دبدب على وشى
وقرى نشيد الوجود / الو حده
طار في الحلم
بك الدم من نحري أنجرح
غرغر وفضفض بالجمال ..
كشف الولايه وهلل ببديع الحال ..
خيال وسارج مهرتي
تحت العروش يختال
بتنادي لى سلمى
تقعدني على ..  عتابها ..
أطير حواليه ..
أرفع قميصها تكشفني على الجنه..
تتحنى من دمى العزيز ..
تدخلنى روضة جسمها الخمران
فأقعد لها خاضع
فتبل ريقى بالخيال ..
ولذه من طرح البنات
البحر يضك ليها
والترعه تديها طياب التوت
وفراشه سكرانه ف حنين الشمس
فأحط ف الجنات
أصغرعيال الكرم
يشتد عودي النحيل
أرشقها محراتى
وأرمى البذره من تحت القميص
تخضر أرضى البهيه
أقول لها هاتى
يطيش عيار ألراس
لما أشوف أدم
بيخلف ف سيده ع الأرض
ويكد ويهاتي
ينادى يا سيدي
لا لا تلومني وأنت العاطى شهواتي
حاطط في سكة شقي
ينبوع ورداتي
دنا من آياتك إياتى
بسكر السكره
و
ينادى يا سيدي
لا لا تلومني وأنت العاطى شهواتي
حاطط في سكة شقي
ينبوع ورداتي
دنا من آياتك إياتى
بسكر السكره
بدخل في زمن
الحضور الغيب
و
الغيب الحضور
بأرمى هوى ذاتي
وبغنى ياسيدى
شجر المنيه طرح
شوق الغياب آتى
................
................
تصفية
ــــ
يا طيبين تفـاح بدم الأولـــــــيا
شربات بروح نعناع مــن الــملكوت
ينبوع علــى شـط المحبة وفــاض
فضفض فروى الشبل من زمن السكوت
أغراه بدم جميله واقفـه ف المـــيلاد
بتهز خصر وخصر بتشده علـى النبوت
تنده مداين الحب وشـهور الــزراعه
عــدى يامثرى يا برمهات يا تــوت
أبنـوا مــداين الــحب بالــغلمان
دلونى فرط العنب دلــونى فرط التوت
دلونى طفل السما  - -  المختوم جميل                                                                                                              كفرع أخضــ بيرقـص فى الخـفوت
يطرح نـبى ف الـروح ولـد طــيب
يمنى فراشه ترقـص للبـكاره والبنوت
ويشد حيبه ف ------ --- القـبو                                                                    كل أطفال القـيامه – يفض ختم الموت
ـــــــــــــــــــــ



(3)
راعى بيرعى فى جزيرة الله
*************
ياااااااااااااااااااااأمير
يا شجر طيب مطير
الدمع فاتح دفتينه
و
القمر عصافير
و
أنت
بلا نغمه
و
لا حلم
يطيب وجعة المناقير
الشمس تطلع ف الصباح
           تاكل دماغك
والوجع يجيب ف داغك
وأنت تئن ببصيرتك
      حلمك /
و
أوجاعك
بتعدى بيهم يم نهر الله
تغسل ملوحة الوش
تنادى للبلاد والناس
" شونة المحله /
البنات والولاد /
البياعين والعساكر /
عمال النسيج /
ساعة الميدان محطة البنزين /
عمك جميل / صراخ الفلاحين /
و
فول البغل "
تحطهم ف ضميرك
و
تعود بيهم موجوع
تصرخ لأمك:
أنا نوبة رجوع
طرح الألم أتى
يمه ........
طفحت السله
وانا عود بسله
رهيف / أخضر
لكن راسى
جرانيت مسله
بتغنى للفرعون
أمير / أبراهيم / روان بنتى
أمنوبى / أخناتون
فلاح فقير
أسماء كتير
من طفلة الأوجاع
بتمر ف دماغى
لحد أبد الأبدين
........
عصفور الكلام حلمى
     و
لورق طرحى
قلوب الطيبين سككى
ف
حين
يشوفوني طفل
ألندى طيب جبينه
و
الشمس والعصافير
و
نور الصبح عجبينه
و
هوه
.......................
........................
........................
........................
راعى بيعى فى جزيرة الله
......................................
.......................................

ابراهيم الملاح
صدر للشاعر
1) ديوان شعر ’’الكتابة بالدم والقرايه بالروح،،
2) ديوان شعر’’شجرة الحواديت،،
3) ديوان شعر ’’ جزيره وعود نعناع وحيد،،
4)ديوان شعر ’’ حواديت مسكونه بروحى،،
5) رواية ’’البشارات،،
6) نص مسرحى ’’ سيرة بنى الوطن،،
تحت الطبع
1)رواية ,, الاشارات وقصص اخرى،،
2) ديوان ,, صبى الخمّار،،
3) مجموعة ,,قصص الطائر،،
4) ديوان ,, اناشيد الروح ،،
صدرت اعماله فى جميع الصحف اليومية والجرائد والمجلات المتخصصة و نوقشت اعماله فى كثير من المؤتمرات الخاصة بادباء الاقاليم وصدرت الدراسات بكتب الهيئة العامة لقصور الثقافة و الدوريات والمجلات الادبية وحضر كثير من المنتديات والمهرجانات و الامسيات الادبية فى جميع محافظات مصر
عضو مؤسس بالمجلس المصرى للشعر العامى

_________________
اعداد
محمد عبد القوى حسن

maa66aa66@hotmail.com
avatar
وكالة انباء الادب العربى
المدير العام للمنتدى
المدير العام للمنتدى

عدد المساهمات : 264
تاريخ التسجيل : 30/04/2010
الموقع : www.maa66.malware-site.www

http://www.maa66.malware-site.www

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى