وكالة أنباء الادب العربى
مرحبا بكم فى وكالة انباء الادب العربى

موسوعة شعراء العاميه المصريه / ناديه لطفى

استعرض الموضوع السابق استعرض الموضوع التالي اذهب الى الأسفل

موسوعة شعراء العاميه المصريه / ناديه لطفى

مُساهمة  وكالة انباء الادب العربى في الأربعاء فبراير 03, 2016 6:58 pm

[url=]





ويدور بواقى
حلم عمرى
اللولبى
فى ساقيه فاضيه
من زمن
ومصره منها يرتوى
ينبت عدم
فجأه تجاعيد الوجع
تتمنى تهجر
ضمتى
برتوش تلون
ضحكتى
من فوق شفايف ميته
تنبض
جميع الأورده
طالبه الحياه
و ف و سط أنات المطر
نام الشتا
واتكحلت
شمس الدجى
بعبير خطاوى اتحررت
من أسرخطوتها ورا
رافعه فى رايه
معلنه
لسه الحياه
دى ممكنه
ودا مهما سيف العمر
خان
قليى البرئ
تلقى حكاوى مضفره
فوق الطريق
متعتقه بذكرى الزمان
عماله بتدق البيبان
عماله بتدق البيبان
كلمات ناديه لطفى





[/url]



براهن عليكى
بعمرى اللى الباقى
وقلبى اللى لسه
بينزف حنين
براهن آلاقى فى شمسك
دفايا
يا عشقى ومنايا
يا ناعسه ياحاضنه
فى ايوب عليل
يا ماء سلسبيل
وبتهجى فيكى
عناد الحروف
اللى جوه كيانى
لخوفى عليكى
تجاعيد هوايا
رسمها الانين
ونبضى اللى تايه
ما بين العروق
اساسه حنين
ما بعرفش الا فحضنك وطن
دا مهما االعطن
سرى فى الجدار
براهن آلاقى
سمارك فى لونى
سنابل بتطرح
فى بكره اللى جاى
ترضع وليدى
لبن شكله عادى
يشبك ايادى
يلملم جروح
ويبدر بذور المحبه
فى نيلك
فكل اللى
يشرب عبير ه يجيلك
بيرفع فى رايتك
وعاشق حنينك
لبن شكله عادى
لكن انزيماته
بتنحت فى اسمك
ربيع القلوب
فتفضل نجومك
بتحضن فى ليلك
تطوف فى ارتسام
النهار اللى نور
سواد الدروب
تكحل عنيكى
بضى الشموخ
يا شمس التاريخ اللى ساند خطانا
يأم الضميراللى عرش قلوعه
على الكون حياه
ياسجدة صلاه
بطهر الندى
بتحضن فى كل اللى قلبه بينبض
بهمس السلام
هواكى غرام
فى ارض العذارى
يرفرف نسيمه
بيهدى الحيارى
يفوق سكارى
بسيف اليقين
براهن عليكى
بعمرى اللى باقى
وقلبى اللى لسه
بينزف حنين



[/url]



أنا ياما كتير
على قلبى داريت
احزان بالكوم
وأنا ياما
داديت ورضيت
ببقايا النبض
الممسوخ روح
وبقصص الحب
المنتوف ريش
ماهو صعب تعيش
تترجى سحاب الليل المتعافى
جوه خسوف البدر الدافى
والصافى ساعات
ولاعمره كان لك ضليله
ولا سابك لحظه تتوه منه
وكأنك مكتوب على اسمه
وتوابع زلزاله ورسمه
وعشان متقوت من يومه
بفتات الوعد
عمال يخنق أزاهير الورد
خايف
من لحظه يعيشها
أسير تباريح الغد
لو نبضه فعلا كان خايف
يلحق دلوقت
يلضم آخر حبه
جوه حبات العقد
ويلملم
تلاكيك الوهم المبدوره
جايز
يلمح جوه الصوره
اسرار السعد



_________________
اعداد
محمد عبد القوى حسن

maa66aa66@hotmail.com
avatar
وكالة انباء الادب العربى
المدير العام للمنتدى
المدير العام للمنتدى

عدد المساهمات : 264
تاريخ التسجيل : 30/04/2010
الموقع : www.maa66.malware-site.www

http://www.maa66.malware-site.www

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى